S’Ufìtziu Limba Sarda de su Comunu de Ussaramanna est traballendu po donai vida noba (e longa) a sa lingua de is aiaius nostus.
Seus circhendu puru de:

• Promovi is leis chi difendint sa lingua sarda;
• Aggiudai is iscolas, is associatzionis, is istitutzionis a difendi e promovi sa lingua e sa cultura sarda;
• Fai attividadis de circa de traditzionis culturalis e literàrias;
• Circai is fueddus e is particolaridadis linguìsticas de Ussaramanna.

Seus cunvintus chi una parti manna de su patrimòniu de conoscentzias, puru linguisticas, currit s’arriscu de essi pèrdia po sèmpiri cun is ‘mannus’ de sa bidda. Est po custu chi seus puru circhendi de recuperai e arreguai is memorias e is arregodus de is personas prus mannas de edadi.

S’ufìtziu limba sarda est abertu duas dis a sa cida, su lunis e sa giòbia, da is noi oras e mesu de mengianu fintzas a mesudì e mesu.