Sa fabbrica de sa cresia de santu Cirigu est istettia inghizzada, forzis, in su millesescentus e accabada in su milleottuxentuscinquantatres. Sa cresia dda iant fabricada asuba de un’antra cresia prus antiga. Me in sa cappella pintada, zerriada aici po is bellas pitturas chi tenit, s’agattant incapas is arrastus prus antigus de custa cresia: in d una scrittura chi est istettia in parti arrovinada, si ligit s’annu 1608.

S’altari centrali ddu iat fattu in su millesettixentusottanta su maistu marmista de Casteddu Juan Battista Spazzi, su propriu chi iat fattu su fonti battesimali.
Is primus traballus po fabricai su campanibi ddus iat inghizzaus in su millesettixentus su maistu ‘e muru Juan Pirella e ddus iat accabaus in su millesettixentusbintises. De su mes’ ‘e idas de su millesettixentusottantatres, s’impresariu casteddaiu maistu Eusebiu Carta iat fattu atrus traballus cumenti s’acciunta de sa parti prus arta de su campanibi.