Sa bidda de Ussaramanna fortzis at tentu origini in s’epoca romana e s’agatàt in su mori de sa bia antiga ‘de su trigu’ chi de Useddus arribàt a Casteddu.
Su terratoriu innoi est pustis crescia sa bidda, fut abitau giai meda tempus primu: in su periodu de is nuraxis e fintzas ancora primu.
Sa bidda fut istettia zerriada ‘manna’ po dda distingui de un’antra bidda pittia chi ddu i fut accanta: Ussaraminore o Ussaredda. Custa biddixedda, andendi su tempus, si fut sempri prus impitticchida fintzas a scumparri cumpretamenti fortzis a mettadi de su millesettixentus.
In su medioevo Ussaramanna fadìat parti de su Giudicau de Arburea.

De sa bidda de Ussaredda s’unica traccia ch’est abarrada est sa cresia de Santu Larenzu. A ingiriu de custa cresia ddu i funt (e si podint bi’) medas perdas traballadas, terragotta romana e atru materiali, signallis de una pittica biddixedda romana.