Oi sa dì s’est scrariàda

De tempus meda fut iscuriosa

S’animu miu si torrat a allirgai

Ponendi a parti is dis pensierosas.

Deu de meda circu custa luxi

Ma no est facili a dda agattai:

Deu impari a is atterus

T’appu postu in gruxi!

‘Os gei seis bonu

E m’eis a perdonai.

Deu ti circu sèmpiri e ti chistionu

Ma Tui no m’ascurtas mai.

S’anima mia trista e scuriosa

In silenziu si torrat a inserrai.

At a beni sa dì de T’atobiai

Speraus chi siat s’ànimu serenu.

Chi mi accolgast a celu illuminau

Impari a Mama tua, o Nazarenu.

Antonia Perseu